ಕನಸಿನ ಮನಸು

ಮನಸು ಕರೆಯಿತು ನಿನ್ನಾ ಮನಸಾ
ಕನಸು ಕಂಡಿತು ನಿನ್ನಾ ಕನಸಾ
ಮನಸು ಮಾಡಿತು ನಿನ್ನಾ ಮನಸಾ
ಕನಸು ಕಂಡಿತು ನಿನ್ನಾ ಕನಸಾ ||ಪ||

ಮನಸು ಮುರಿಯಿತು ನಿನ್ನಾ ಕನಸು
ಕನಸು ಒಡೆಯಿತು ನಿನ್ನಾ ಮನಸು
ಬಳಲಿ ಬೆಂದಿತು ನಿನ್ನಾ ಸೆರೆಯೊಳು
ಅರಸಿ ಬಂದಿತು ನಿನ್ನಾ ಆಸರೆಯೊಳು ||೧||

ಮಳೆಯಂತೆ ಸುರಿಯಿತು ನಿನ್ನಾ ಮನಸು
ಚಳಿಯಂತೆ ಕೊರೆಯಿತು ನಿನ್ನಾ ನೆನಪು
ಸಿಡಿಲಂತೆ ಬಡೆಯಿತು ನಿನ್ನಾ ಕನಸು
ಮಿಂಚಂತೆ ಹೊಳೆಯಿತು ನಿನ್ನಾ ನೆನಪು ||೨||

ಮೊಗ್ಗಂತೆ ಮುದುಡಿ ಹೂವಾಗಿ ಅರಳಿ
ಬಿಸಿಲಲಿ ಹೊಳೆದು ಇರುಳಲಿ ಸೊರಗಿ
ಬಾಡಿ ಹೋಯಿತೇ ನನ್ನಾ ಕನಸು
ಮರತೇ ಹೋಯಿತೇ ನನ್ನಾ ನೆನಪು ||೩||

-ಬಸು

ಅಂತರ್ಮುಖಿ

ನನ್ನ ನಾ ಹುಡುಕ ಹೊರಟೆ
ದಣಿದು ನೀರು ಕುಡಿಯಲು ಹೊರಟೆ
ನೀರಲಿ ನಿನ ಬಿಂಬ ಕಂಡು ಬೆರಗಾದೆ
ನೀನೆ ನಾನೆಂದು ಅರಿತೆ
ನಾನೇ ನೀನೆಂದು ಅರಿತೆ

-ಬಸು

ಬೆಳಗು

ಕತ್ತಲೆಯೊಳು ಕಾದೆ ಬೆಳಕ ತರುವೆಯಂದು
ಹಣತೆಯನು ತಂದೆ ದೀಪ ಬೆಳಗುವೆಯಂದು
ಕಣ್ಣ ರೆಪ್ಪೆಯಡಿ ಕಾಡಿಗೆಯಂತೆ ನೀನು
ಅತ್ತರೆ ಜಾರಿಹೋಗುವೆಯಂದು ಅರಿಯದಾದೆನು ನಾನು.

ಕತ್ತಲೆಯೊಳು ಕಾದೆ ಬೆಳಕ ತರುವೆಯಂದು
ಹಣತೆಯನು ತಂದೆ ದೀಪ ಬೆಳಗುವೆಯಂದು
ಬಾಗಿಲೊಳು ಕಾದೆ ಬಾಳ ನೀಡುವೆಯಂದು
ಬಳಲಿದ ಮನಸೊತ್ತು ಬಂದೆ ಮುದ ನೀಡುವೆಯಂದು

ಕತ್ತಲೆಯೊಳು ಕಾದೆ ಬೆಳಕ ತರುವೆಯಂದು
ಹಣತೆಯನು ತಂದೆ ದೀಪ ಬೆಳಗುವೆಯಂದು
ಹೃದಯ ವೀಣೆಯನು ತಂದೆ ನೀ ನುಡಿಸುವೆಯಂದು
ನೀನೆ ನಾಡಿಯಂದು ಅರಿಯದಾದೆನು ನಾನು

-ಬಸು

ಮೌನರಾಗ

ಕ್ಷಣದಲಿ ಕಂಡೆನು ನಿನ್ನ
ಮರುಕ್ಷಣದಲಿ ಕಳೆದುಕೊಂಡೆನು ನಿನ್ನ
ಮರುಕ ಪಡುತಿದೆ ಮನಸು ಮೌನರಾಗದಲಿ
ಕೇಳಿಸದೆ ನಿನಗೆ ಅರುಣರಾಗದಲಿ
-ಬಸು