ಅಮ್ಮನ ನೆನಪಿನಲಿ
--------------------

ಅಮ್ಮ ನಿನ್ನ ನೆನಪಿನಲಿ
ತೊಳಲಿ ತೊದಲುವ ಕಂದ ನಾನು
ಅಮ್ಮ ನಿನ್ನ ಕನಸಿನಲಿ
ತೊಳಗುವ ಚಂದ್ರ ನಾನು॥ 

ನನ್ನೆಲ್ಲ ಭಾವಗಳಿಗೆ ನನ್ನೆಲ್ಲ ಆಸೆಗಳಿಗೆ
ಮೂರ್ತ ಸ್ವರೂಪವೆ ನೀನು
ನನ್ನೆಲ್ಲ ದುಃಖಗಳಿಗೆ ನನ್ನೆಲ್ಲ ಕಷ್ಟಗಳಿಗೆ
ಮುಕ್ತಿ ರೂಪವೆ ನೀನು॥

ನಿನ್ನೊಡಲ ದೀಪದಲಿ
ಹತ್ತಿಯ ಎಳೆಯಂತ ಬತ್ತಿ ನಾನು
ನಂದಿಸಿದಂತಾಯಿತು ಮಮತೆಯೆಂಬ ಬೆಳಕನು 
ಚಡಪಡಿಸುತಿರುವೆ ಹಗಲುಗನಸಿನ ಕತ್ತಲಲಿ ನಾನು ॥

ಕಡಲ ಸಂಕೋಲೆ ತೊರೆದು
ನಡುವೆ ಮೈಚಾಚಿರುವ ಕಾಲವ ಮೀರಿ
ಈ ದಡವ ತೊರೆದು ಆ ದಡವ ಸೇರಿ
ಕಾತರಿಸುತಿರುವೆ ನಿನ್ನೆದೆಯಲಡಗಲು ನಾನು ॥

-ಬಸು

ಕಾಲಚಕ್ರ

ತಿರುಗಿ ನೋಡದಿರು ನೀ ಮರುಳೆ
ನಿನ್ನರಿಯದವರ ತಿರುಗಿ ನೊ ೕಡದಿರು,
ನಿನ್ನೊಡನಿರುವರು ನಿನ್ನರಿತವರು॥

ಬಾಗಿ ಬೆರೆತರು ನಿನ್ನರಿಯರು
ನಿನ್ನರಿದಯವರ ಕೂಗಿ ಕರೆಯದಿರು
ನಿನ್ನ ಮುಡಿಗಿರುವರು ನಿನ್ನರಿತವರು॥

ಕಾಲನ ಅಡಿಯಲ್ಲಿ ಎಲ್ಲವು ನೀಗಿ ನೊಂದಾವು
ತಡೆದು ನಿಲ್ಲು ನಿನ್ನ ನೀ
ಹಾದಿ ತಿರುವುಮುರುವು ಆದಾವು॥
 -ಬಸು 

 ಅಮ್ಮ ನಿನ್ನ ಎದೆಯಾಳದಲ್ಲಿ ಗಾಳಕ್ಕೆ ಸಿಕ್ಕ ಮೀನು
ಮಿಡುಕಾಡುತಿರುವೆ ನಾನು
ಕಡಿಯಲೊಲ್ಲೆ ೕ ನಿ ೕ ಕರುಳ ಬಳ್ಳಿ
ಒಲವೂಡುತಿರುವ ತಾಯೆ
ಬಿಡದ ಭುವಿಯ ಮಾಯೆ 

ನಿನ್ನ ರಕ್ಷೆಗೂಡಲ್ಲಿ  ಬೆಚ್ಚಗೆ
ಅಡಗಲಿ ಎಷ್ಟು ದಿನ ?
ದೂಡು ಹೊರಗೆ ನನ್ನ
ಓಟ ಕಲಿವೆ , ಒಳನೋಟ ಕಲಿವೆ ,
ನಾ ಕಲಿವೆ ಊರ್ಧ್ವ ಗಮನ
ಓ ಆಗಾಧ ಗಗನ

ಮೆ ೕಲೆ ೕರಿ ಹಾರಿ, ನಿನ್ನ ಸೆಳೆತ ಮಿ ೕರಿ,
ನಿರ್ಭಾರ ಸ್ಥಿತಿಗೆ  ತಲುಪಿ
ಬ್ರಹ್ಮಾಂಡವನ್ನೆ ಬೆದಕಿ
ಇಂಧನ  ತಿ ೕರಲು , ಬಂದೆ ೕ ಬರುವೆನು
ಮತ್ತೆ ನಿನ್ನ ತೊಡೆಗೆ
ಮೂರ್ತ ಪ್ರೆ ೕಮದೆಡೆಗೆ 
  
- ರಚನೆ : ಬಿ. ಆರ್ . ಲಕ್ಷ್ಮಣರಾವ್ 

ಗುಬ್ಬಚ್ಚಿ ಗೂಡು

ಕಟ್ಟಬೇಡ ನೀ ಕನಸೊಂದು
ಕಡಲ ತಡಿಯ ಮರಳ ಗೂಡೊಂದು
ಬಯಸಲ್ಲಿಲ್ಲ ನಿನ್ನ ಮನಸೆಂದೂ 
ಇದು ಕಾಲನ ಅಲೆಗೆ ಸಿಕ್ಕಿ
ನುಚ್ಚು ನೂರಾಗುವ ಗುಬ್ಬಚ್ಚಿ ಗೂಡೆಂದು! 

- ಬಸು 

ಭಾವಗಂಗೆ

ಕನಸೆಂಬ ಕಡಲೊಳು ಮೀನಂತೆ ಕಣ್ಣರಳಿ
ಮನಸೆಂಬ ಗೂಡಲ್ಲಿ ಜೆ ೕನಂತೆ ಜಿನುಗುರುಳಿ
ನಿನ್ನ ನೆನಪಿನ ದೊ ೕಣಿಯೆ ೕರಿ
ನದಿಯೊಡಗೂಡಿ ಕಡಲ ಒಡಲು ಸೆ ೕರಿತು
ನನ್ನ  ಈ ತನು ಮನವು ಭಾವಗಂಗೆಯೊಳು !

- ಬಸು 

ಕನಸಿನ ಮನಸು

ಮನಸು ಕರೆಯಿತು ನಿನ್ನಾ ಮನಸಾ
ಕನಸು ಕಂಡಿತು ನಿನ್ನಾ ಕನಸಾ
ಮನಸು ಮಾಡಿತು ನಿನ್ನಾ ಮನಸಾ
ಕನಸು ಕಂಡಿತು ನಿನ್ನಾ ಕನಸಾ ||ಪ||

ಮನಸು ಮುರಿಯಿತು ನಿನ್ನಾ ಕನಸು
ಕನಸು ಒಡೆಯಿತು ನಿನ್ನಾ ಮನಸು
ಬಳಲಿ ಬೆಂದಿತು ನಿನ್ನಾ ಸೆರೆಯೊಳು
ಅರಸಿ ಬಂದಿತು ನಿನ್ನಾ ಆಸರೆಯೊಳು ||೧||

ಮಳೆಯಂತೆ ಸುರಿಯಿತು ನಿನ್ನಾ ಮನಸು
ಚಳಿಯಂತೆ ಕೊರೆಯಿತು ನಿನ್ನಾ ನೆನಪು
ಸಿಡಿಲಂತೆ ಬಡೆಯಿತು ನಿನ್ನಾ ಕನಸು
ಮಿಂಚಂತೆ ಹೊಳೆಯಿತು ನಿನ್ನಾ ನೆನಪು ||೨||

ಮೊಗ್ಗಂತೆ ಮುದುಡಿ ಹೂವಾಗಿ ಅರಳಿ
ಬಿಸಿಲಲಿ ಹೊಳೆದು ಇರುಳಲಿ ಸೊರಗಿ
ಬಾಡಿ ಹೋಯಿತೇ ನನ್ನಾ ಕನಸು
ಮರತೇ ಹೋಯಿತೇ ನನ್ನಾ ನೆನಪು ||೩||

-ಬಸು

ಅಂತರ್ಮುಖಿ

ನನ್ನ ನಾ ಹುಡುಕ ಹೊರಟೆ
ದಣಿದು ನೀರು ಕುಡಿಯಲು ಹೊರಟೆ
ನೀರಲಿ ನಿನ ಬಿಂಬ ಕಂಡು ಬೆರಗಾದೆ
ನೀನೆ ನಾನೆಂದು ಅರಿತೆ
ನಾನೇ ನೀನೆಂದು ಅರಿತೆ

-ಬಸು